yo’aneS nav QIn wa’DIch

Capitole:

1 2 3 4 5

versetul 1

numuSHa'qu' vav'a' 'e' yIqel. maHvaD joH'a' puqpu' nuDam. 'ej teH; puqpu'Daj maH. meqvammo', nuSovbe' qo'. ghaH Sovbe' 'oH.

versetul 2

juppu'wI', DaH joH'a' puqpu' maH. tuch nuq wImoj? wej maHvaD De'vam 'otHa'lu'. narghta' QIStoS, ghaH wIrur 'e' wISov, ghaH wIleghchu'mo'.

versetul 3

'ej ghu'vam tulchugh vay', vaj vay'vetlh watlhmoH QIStoS 'ej ghaH rur.

versetul 4

bIv Hoch yemwI'; vabDot yemlu'DI', chut lajlu'Qo'.

versetul 5

'ej yemmey nge'meH narghta' ghaH 'e' boSovaj. 'ej ghaHDaq pagh yem tu'lu'.

versetul 6

ghaH tlhejlu'chugh, yemlu'Qo'. yemlu'taH, not ghaH leghlu' 'ej not ghaH Sovlu'.

versetul 7

puqpu' mach, boyuqlu' 'e' yIchaw'Qo'. batlh vangchugh vay', quv vay'vetlh; QIStoS rur.

versetul 8

batlhHa' vangchugh vay', mIghwI' ghaH vay'vetlh'e'. bI'reS yemchoH mIghwI'. meqvetlhmo', mIghwI' ta'mey Qaw'meH narghta' joH'a' puqloD.

versetul 9

yemtaHQo' nuv boghmoHta'bogh joH'a', ghaHDaq ratlhtaHmo' joH'a' raS'IS 'ej yemlaHbe', ghaH boghmoHta'mo' joH'a'.

versetul 10

meqmeyvammo', joH'a' puqpu', mIghwI' puqpu' je DIngu'laH: quvHa'chugh vay', joH'a' puq ghaHbe'. 'ej vInDa'Daj muSHa'be'chugh, joH'a' puq ghaHbe'.

versetul 11

taghDI' Hoch, QInvam'e' wIQoy: mamuSHa'chuqjaj

versetul 12

qa'yIn yIDaQo'; mIghwI' toy' 'ej loDnI'Daj tlhIn chotta'. 'ej qatlh loDnI'Daj tlhIn HoHta'? HoHta', quvHa'mo' ghaH 'ej quvmo' loDnI'Daj.

versetul 13

peyay'Qo', vInDa'pu'wI', lImuSchugh qo'.

versetul 14

Heghvo' yIn wIjaHta' maSaHchuqchu'mo' 'e' wISov. HeghDaq ratlh muSHa'Qo'wI'.

versetul 15

vInDa'Daj muSchugh vay', chotwI' ghaH 'ej pagh chotwI'Daq ru'Ha'chu'bogh yIn tu'lu' 'e' boSov.

versetul 16

meqvammo', muSHa'meH mIw wISov: maHvaD nob'eghta' yeSu'a QIStoS. maH'e', vInDa'ma'vaD manob'eghnIS.

versetul 17

'ach qo' jo ghajchugh vay' 'ej 'utwI' Hutlh vInDa'Daj 'e' legh vay'vetlh 'ej HutlhwI' vupQo' vay'vetlh, vay'vetlhDaq joH'a' muSHa'qangchu'ghach?

versetul 18

puqpu' mach, maSaHchu'jaj. mamuSHa'meH mu'mey, jatDu' je DIlo'be'jaj. mamuSHa' 'e' lu'aghjaj ta'meymaj, vIt je.

versetul 19

vIt 'oH mungmaj'e' 'ej ghaH tlhopDaq mabaw'laH 'e' wISov, meqvammo':

versetul 20

nuqIchchugh tIqDu'maj, joH'a' HoSghaj law' tIqDu'maj HoSghaj puS 'e' wISov 'ej Hoch Sov ghaH.

versetul 21

juppu'wI', nuqIchbe'chugh tIqDu'maj, joH'a' tlhopDaq mabaw'

versetul 22

'ej ghaHvo' Hoch wIpoQbogh wIHev, chutDaj DIpabtaHmo' 'ej wIbelmoHmeH mavang.

versetul 23

'ej puqloDDaj pong, yeSu'a QIStoS, wIvoq 'ej maSaHchuqchu' 'e' ra' ghaH.

versetul 24

'ej ghaHDaq ratlh chutDaj pabwI', 'ej chutDaj pabwI'Daq ratlh joH'a'. 'ej nutlhej 'e' wISov qa''a'mo' nunobta'bogh.

Capitole:

1 2 3 4 5