yo’aneS nav QIn wa’DIch

Capitole:

1 2 3 4 5

versetul 1

QIStoS ghaH yeSu'a'e' 'e' Harchugh vay', joH'a'Daq boghpu' vay'vetlh. 'ej puqloD'a' muSHa'chugh vay', vav'a' muSHa' je ghaH.

versetul 2

joH'a' puqpu' DImuSHa'bej 'e' wISov joH'a' wImuSHa'DI' 'ej chutDaj DIpabDI'.

versetul 3

joH'a' chut pablu'DI' 'ej Sujbe'DI' chutDaj, joH'a' muSHa'lu' 'e' 'aghlu'.

versetul 4

qo' jey Hoch boghmoHta'bogh joH'a'. qo' charghta'bogh yay 'oH yayvam'e': mavoq.

versetul 5

qo' chargh 'Iv? joH'a' puqloD ghaH yeSu'a QIStoS'e' 'e' Harbogh nuv.

versetul 6

pawmeH bIQ, 'Iw je lo'ta' yeSu'a QIStoS. bIQ neH lo'ta'be'; bIQ'e', 'Iw'e' je lo'ta'. nguH qa''a', vIt ghaHmo' qa''a''e'.

versetul 7

nguH wej:

versetul 8

qa''a', bIQ je, 'Iw je; 'ej tlhochchuqbe' wejvam.

versetul 9

Human jantorpu' DIlaj 'ach joH'a' mu' potlh law' Human mu' potlh puS. puqloDDaj bopbogh De' maq.

versetul 10

joH'a' puqloD voqlu'chugh, De'vam maqta'bogh ghaH laj. joH'a'vaD nepwI' Dam HarQo'wI', puqloDDaj tlhIn bopbogh joH'a' vep HarQo'mo'.

versetul 11

vepDaj yIqIm: maHvaD ru'Ha'chu'bogh yIn nobta' joH'a' 'ej yInvam naw'lu' puqloDDajmo'.

versetul 12

puqloD'a' ghajlu'chugh, yInlu'; puqloD'a' Hutlhlu'chugh, yInbe'lu'.

versetul 13

joH'a' puqloD pong bovoq 'ej ru'Ha'chu'bogh yIn boghaj 'e' boHar 'e' boSovmeH tlhIHvaD nav QInvam vIngeH.

versetul 14

'ej mabaw' joH'a' wIcholDI': vay' wIpoQ, Dochmey neHbogh DIqImtaHvIS, nu'Ijbej ghaH.

versetul 15

'ej nu'Ijbej 'e' wISov, vaj maHvaD Hoch wIpoQbogh DIHev 'e' wISov.

versetul 16

HeghmoHbe'bogh yem turlI' vInDa'Daj 'e' leghchugh vay', joH'a'vaD jatlhnIS vay'vetlh 'ej yempu'wI'vaD yIn nob ghaH. HeghmoHbe'bogh yem turwI' vIrIch. HeghmoHbogh yem tu'lu'. yemvetlhvaD joH'a' Daqoy' Saja'be'.

versetul 17

yem 'oH Hoch quvHa'ghach'e' 'ej HeghmoHbe'bogh yem tu'lu'.

versetul 18

yemtaH vay''e' boghmoHta'bogh joH'a' 'e' wISov. vay'vetlh 'avtaH joH'a' puqloD 'ej vay'vetlh QIDlaHbe' mIghwI'.

versetul 19

joH'a' puqpu' maH 'ej qo' Hoch SeH mIghwI' 'e' wISov.

versetul 20

'ej cholta' joH'a' puqloD 'ej teHwI''a' wISovmeH nuyajmoHta' ghaH 'e' wISov. 'ej teHwI''a' wItlhej, puqloDDaj, yeSu'a QIStoS, wItlhejmo'. Qunna', ru'Ha'chu'bogh yIn je.

versetul 21

puqpu', latmey tIlajQo'.

Capitole:

1 2 3 4 5