yo’aneS nav QIn wa’DIch
capítulo 5
verso 1
QIStoS ghaH yeSu'a'e' 'e' Harchugh vay', joH'a'Daq boghpu' vay'vetlh. 'ej puqloD'a' muSHa'chugh vay', vav'a' muSHa' je ghaH.
verso 2
joH'a' puqpu' DImuSHa'bej 'e' wISov joH'a' wImuSHa'DI' 'ej chutDaj DIpabDI'.
verso 3
joH'a' chut pablu'DI' 'ej Sujbe'DI' chutDaj, joH'a' muSHa'lu' 'e' 'aghlu'.
verso 4
qo' jey Hoch boghmoHta'bogh joH'a'. qo' charghta'bogh yay 'oH yayvam'e': mavoq.
verso 5
qo' chargh 'Iv? joH'a' puqloD ghaH yeSu'a QIStoS'e' 'e' Harbogh nuv.
verso 6
pawmeH bIQ, 'Iw je lo'ta' yeSu'a QIStoS. bIQ neH lo'ta'be'; bIQ'e', 'Iw'e' je lo'ta'. nguH qa''a', vIt ghaHmo' qa''a''e'.
verso 8
qa''a', bIQ je, 'Iw je; 'ej tlhochchuqbe' wejvam.
verso 9
Human jantorpu' DIlaj 'ach joH'a' mu' potlh law' Human mu' potlh puS. puqloDDaj bopbogh De' maq.
verso 10
joH'a' puqloD voqlu'chugh, De'vam maqta'bogh ghaH laj. joH'a'vaD nepwI' Dam HarQo'wI', puqloDDaj tlhIn bopbogh joH'a' vep HarQo'mo'.
verso 11
vepDaj yIqIm: maHvaD ru'Ha'chu'bogh yIn nobta' joH'a' 'ej yInvam naw'lu' puqloDDajmo'.
verso 12
puqloD'a' ghajlu'chugh, yInlu'; puqloD'a' Hutlhlu'chugh, yInbe'lu'.
verso 13
joH'a' puqloD pong bovoq 'ej ru'Ha'chu'bogh yIn boghaj 'e' boHar 'e' boSovmeH tlhIHvaD nav QInvam vIngeH.
verso 14
'ej mabaw' joH'a' wIcholDI': vay' wIpoQ, Dochmey neHbogh DIqImtaHvIS, nu'Ijbej ghaH.
verso 15
'ej nu'Ijbej 'e' wISov, vaj maHvaD Hoch wIpoQbogh DIHev 'e' wISov.
verso 16
HeghmoHbe'bogh yem turlI' vInDa'Daj 'e' leghchugh vay', joH'a'vaD jatlhnIS vay'vetlh 'ej yempu'wI'vaD yIn nob ghaH. HeghmoHbe'bogh yem turwI' vIrIch. HeghmoHbogh yem tu'lu'. yemvetlhvaD joH'a' Daqoy' Saja'be'.
verso 17
yem 'oH Hoch quvHa'ghach'e' 'ej HeghmoHbe'bogh yem tu'lu'.
verso 18
yemtaH vay''e' boghmoHta'bogh joH'a' 'e' wISov. vay'vetlh 'avtaH joH'a' puqloD 'ej vay'vetlh QIDlaHbe' mIghwI'.
verso 19
joH'a' puqpu' maH 'ej qo' Hoch SeH mIghwI' 'e' wISov.
verso 20
'ej cholta' joH'a' puqloD 'ej teHwI''a' wISovmeH nuyajmoHta' ghaH 'e' wISov. 'ej teHwI''a' wItlhej, puqloDDaj, yeSu'a QIStoS, wItlhejmo'. Qunna', ru'Ha'chu'bogh yIn je.
Libros
