yo’aneS nav QIn wa’DIch
capítulo 4
verso 1
juppu'wI', Hoch qa' tIvoqQo' 'a joH'a' toy' qa' 'e' bo'olmeH Hoch qa' yIHaD, qo'Daq law'mo' joH'a' Duypu' ngeb.
verso 2
joH'a' qa''a' boghovmeH mIwvam yItur: joH'a' toy' qa', porghna'Daq narghta' yeSu'a QIStoS 'e' tembe'chugh.
verso 3
'ej yeSu'a temchugh qa', joH'a' toy'be'. QIStoS ghol qa' ghaH qa'vam'e'. paw qa'vam 'e' boghoj 'ej vabDot Dat qo'Daq qa'vam tu'lu'.
verso 4
puqpu' mach, mungraj ghaH joH'a''e' 'ej chaH bojeyta' tlhIH, lItlhejmo' joH'a'; ghaH HoSghaj law' qo' HoSghaj puS.
verso 5
mungchaj 'oH qo''e'; meqvetlhmo', qo' ngan Hol 'oH Holchaj'e' 'ej chaH 'Ij qo'.
verso 6
mungmaj ghaH joH'a''e'; joH'a' Sovchugh vay', nu'Ij vay'vetlh. 'ach vay' mung ghaHbe'chugh joH'a''e', nu'IjQo'. qa''a'na', qa' ngeb je DIghovmeH mIwvam wIlo'.
verso 7
juppu'wI', maSaHchuqchu'jaj, numuSHa'moHmo' joH'a'. Hoch muSHa'wI' boghmoHta' joH'a' 'ej joH'a' Sov Hoch muSHa'wI'.
verso 8
joH'a' Sovbe' muSHa'Qo'wI', muSHa'chu'ghach ghaHmo' joH'a''e'.
verso 9
chay' maHDaq muSHa'laHghachDaj 'aghta' joH'a'? nuyInmoHmeH qo'Daq wa' puqloDDaj ngeHta'.
verso 10
muSHa'meH mIw pup 'angta'. maH'e', joH'a' wImuSHa'be'pu'. ghaH'e', yemmeymaj nge'meH puqloDDaj ngeHta'.
verso 11
juppu'wI', nuSaHqu'bejta'mo' joH'a', maSaHqu'chuqnISba' je.
verso 12
not joH'a' leghlu'pu' 'a joH'a' wImuSHa'chugh, nuDab ghaH 'ej maHDaq pupchoH muSHa'chu'ghachDaj.
verso 13
ghaH wIDab ghaH 'ej maH nuDab ghaH 'e' wISov ngoDvammo': maHvaD qa''a'Daj nobta' ghaH.
verso 14
qo' toDwI''a' ghaHmeH puqloD'a' ngeHta' vav'a' 'e' wIlegh 'ej wanI'vam wInguH.
verso 15
joH'a' puqloD ghaH yeSu'a'e' 'e' DISchugh vay', vay'vetlhDaq ratlh joH'a' 'ej joH'a'Daq ratlh vay'vetlh.
verso 16
'ej nuSaHchu' joH'a' 'e' wISov 'ej nuSaHchu' 'e' wIwuv. muSHa'chu'ghach ghaH joH'a''e'. muSHa'chu'ghach chIwchugh vay', vay'vetlh Dab joH'a'.
verso 17
ngoDvammo' pupchoH muSHa'meH laHmaj 'ej noHmeH jaj mabaw'laH. qo'vamDaq yeSu'a wIrur.
verso 18
muSHa'lu'chugh, pagh Hajlu'. ghIjlu'be' muSHa'lu'DI', ghIjmo' bIj. nuv ghIj vay', pupmoHbe' muSHa'meH mIw.
verso 20
«joH'a' wImuSHa'» jatlh vay' 'ej vInDa'Daj muS net jalchugh, nepwI' ghaH vay'vetlh'e'. vInDa'Daj leghpu'bogh muSHa'Qo'chugh nuv, joH'a' leghpu'be'bogh muSHa'laHbe'.
verso 21
'ej joH'a' muSHa'meH vInDa'Daj muSHa'nIS je vay' nuja' joH'a'.
Libros
