yo’aneS nav QIn wa’DIch
capítulo 3
verso 1
numuSHa'qu' vav'a' 'e' yIqel. maHvaD joH'a' puqpu' nuDam. 'ej teH; puqpu'Daj maH. meqvammo', nuSovbe' qo'. ghaH Sovbe' 'oH.
verso 2
juppu'wI', DaH joH'a' puqpu' maH. tuch nuq wImoj? wej maHvaD De'vam 'otHa'lu'. narghta' QIStoS, ghaH wIrur 'e' wISov, ghaH wIleghchu'mo'.
verso 3
'ej ghu'vam tulchugh vay', vaj vay'vetlh watlhmoH QIStoS 'ej ghaH rur.
verso 4
bIv Hoch yemwI'; vabDot yemlu'DI', chut lajlu'Qo'.
verso 5
'ej yemmey nge'meH narghta' ghaH 'e' boSovaj. 'ej ghaHDaq pagh yem tu'lu'.
verso 6
ghaH tlhejlu'chugh, yemlu'Qo'. yemlu'taH, not ghaH leghlu' 'ej not ghaH Sovlu'.
verso 7
puqpu' mach, boyuqlu' 'e' yIchaw'Qo'. batlh vangchugh vay', quv vay'vetlh; QIStoS rur.
verso 8
batlhHa' vangchugh vay', mIghwI' ghaH vay'vetlh'e'. bI'reS yemchoH mIghwI'. meqvetlhmo', mIghwI' ta'mey Qaw'meH narghta' joH'a' puqloD.
verso 9
yemtaHQo' nuv boghmoHta'bogh joH'a', ghaHDaq ratlhtaHmo' joH'a' raS'IS 'ej yemlaHbe', ghaH boghmoHta'mo' joH'a'.
verso 10
meqmeyvammo', joH'a' puqpu', mIghwI' puqpu' je DIngu'laH: quvHa'chugh vay', joH'a' puq ghaHbe'. 'ej vInDa'Daj muSHa'be'chugh, joH'a' puq ghaHbe'.
verso 11
taghDI' Hoch, QInvam'e' wIQoy: mamuSHa'chuqjaj
verso 12
qa'yIn yIDaQo'; mIghwI' toy' 'ej loDnI'Daj tlhIn chotta'. 'ej qatlh loDnI'Daj tlhIn HoHta'? HoHta', quvHa'mo' ghaH 'ej quvmo' loDnI'Daj.
verso 13
peyay'Qo', vInDa'pu'wI', lImuSchugh qo'.
verso 14
Heghvo' yIn wIjaHta' maSaHchuqchu'mo' 'e' wISov. HeghDaq ratlh muSHa'Qo'wI'.
verso 15
vInDa'Daj muSchugh vay', chotwI' ghaH 'ej pagh chotwI'Daq ru'Ha'chu'bogh yIn tu'lu' 'e' boSov.
verso 16
meqvammo', muSHa'meH mIw wISov: maHvaD nob'eghta' yeSu'a QIStoS. maH'e', vInDa'ma'vaD manob'eghnIS.
verso 17
'ach qo' jo ghajchugh vay' 'ej 'utwI' Hutlh vInDa'Daj 'e' legh vay'vetlh 'ej HutlhwI' vupQo' vay'vetlh, vay'vetlhDaq joH'a' muSHa'qangchu'ghach?
verso 18
puqpu' mach, maSaHchu'jaj. mamuSHa'meH mu'mey, jatDu' je DIlo'be'jaj. mamuSHa' 'e' lu'aghjaj ta'meymaj, vIt je.
verso 19
vIt 'oH mungmaj'e' 'ej ghaH tlhopDaq mabaw'laH 'e' wISov, meqvammo':
verso 20
nuqIchchugh tIqDu'maj, joH'a' HoSghaj law' tIqDu'maj HoSghaj puS 'e' wISov 'ej Hoch Sov ghaH.
verso 21
juppu'wI', nuqIchbe'chugh tIqDu'maj, joH'a' tlhopDaq mabaw'
verso 22
'ej ghaHvo' Hoch wIpoQbogh wIHev, chutDaj DIpabtaHmo' 'ej wIbelmoHmeH mavang.
verso 23
'ej puqloDDaj pong, yeSu'a QIStoS, wIvoq 'ej maSaHchuqchu' 'e' ra' ghaH.
verso 24
'ej ghaHDaq ratlh chutDaj pabwI', 'ej chutDaj pabwI'Daq ratlh joH'a'. 'ej nutlhej 'e' wISov qa''a'mo' nunobta'bogh.
Libros
