yo’aneS nav QIn wa’DIch

chapter 4

Chapters:

1 2 3 4 5

verse #1

juppu'wI', Hoch qa' tIvoqQo' 'a joH'a' toy' qa' 'e' bo'olmeH Hoch qa' yIHaD, qo'Daq law'mo' joH'a' Duypu' ngeb.

verse #2

joH'a' qa''a' boghovmeH mIwvam yItur: joH'a' toy' qa', porghna'Daq narghta' yeSu'a QIStoS 'e' tembe'chugh.

verse #3

'ej yeSu'a temchugh qa', joH'a' toy'be'. QIStoS ghol qa' ghaH qa'vam'e'. paw qa'vam 'e' boghoj 'ej vabDot Dat qo'Daq qa'vam tu'lu'.

verse #4

puqpu' mach, mungraj ghaH joH'a''e' 'ej chaH bojeyta' tlhIH, lItlhejmo' joH'a'; ghaH HoSghaj law' qo' HoSghaj puS.

verse #5

mungchaj 'oH qo''e'; meqvetlhmo', qo' ngan Hol 'oH Holchaj'e' 'ej chaH 'Ij qo'.

verse #6

mungmaj ghaH joH'a''e'; joH'a' Sovchugh vay', nu'Ij vay'vetlh. 'ach vay' mung ghaHbe'chugh joH'a''e', nu'IjQo'. qa''a'na', qa' ngeb je DIghovmeH mIwvam wIlo'.

verse #7

juppu'wI', maSaHchuqchu'jaj, numuSHa'moHmo' joH'a'. Hoch muSHa'wI' boghmoHta' joH'a' 'ej joH'a' Sov Hoch muSHa'wI'.

verse #8

joH'a' Sovbe' muSHa'Qo'wI', muSHa'chu'ghach ghaHmo' joH'a''e'.

verse #9

chay' maHDaq muSHa'laHghachDaj 'aghta' joH'a'? nuyInmoHmeH qo'Daq wa' puqloDDaj ngeHta'.

verse #10

muSHa'meH mIw pup 'angta'. maH'e', joH'a' wImuSHa'be'pu'. ghaH'e', yemmeymaj nge'meH puqloDDaj ngeHta'.

verse #11

juppu'wI', nuSaHqu'bejta'mo' joH'a', maSaHqu'chuqnISba' je.

verse #12

not joH'a' leghlu'pu' 'a joH'a' wImuSHa'chugh, nuDab ghaH 'ej maHDaq pupchoH muSHa'chu'ghachDaj.

verse #13

ghaH wIDab ghaH 'ej maH nuDab ghaH 'e' wISov ngoDvammo': maHvaD qa''a'Daj nobta' ghaH.

verse #14

qo' toDwI''a' ghaHmeH puqloD'a' ngeHta' vav'a' 'e' wIlegh 'ej wanI'vam wInguH.

verse #15

joH'a' puqloD ghaH yeSu'a'e' 'e' DISchugh vay', vay'vetlhDaq ratlh joH'a' 'ej joH'a'Daq ratlh vay'vetlh.

verse #16

'ej nuSaHchu' joH'a' 'e' wISov 'ej nuSaHchu' 'e' wIwuv. muSHa'chu'ghach ghaH joH'a''e'. muSHa'chu'ghach chIwchugh vay', vay'vetlh Dab joH'a'.

verse #17

ngoDvammo' pupchoH muSHa'meH laHmaj 'ej noHmeH jaj mabaw'laH. qo'vamDaq yeSu'a wIrur.

verse #18

muSHa'lu'chugh, pagh Hajlu'. ghIjlu'be' muSHa'lu'DI', ghIjmo' bIj. nuv ghIj vay', pupmoHbe' muSHa'meH mIw.

verse #19

mamuSHa', numuSHa'ta'mo' ghaH.

verse #20

«joH'a' wImuSHa'» jatlh vay' 'ej vInDa'Daj muS net jalchugh, nepwI' ghaH vay'vetlh'e'. vInDa'Daj leghpu'bogh muSHa'Qo'chugh nuv, joH'a' leghpu'be'bogh muSHa'laHbe'.

verse #21

'ej joH'a' muSHa'meH vInDa'Daj muSHa'nIS je vay' nuja' joH'a'.

Chapters:

1 2 3 4 5

Books