yo’aneS nav QIn wa’DIch
2. fejezet
1. vers
puqpu'wI' mach, Suyembe'meH tlhIHvaD nav QInvam vIqon. 'a yemchugh vay', vav'a' tlhopDaq nuHub Duy—yeSu'a QIStoS, maywI''a'.
2. vers
yemmeymaj 'enmoHmeH Heghta'. yemmeymaj neH 'enmoHmeH Heghta'be' 'a qo' Hoch yemmey 'enmoHmeH Heghta'.
3. vers
'ej ghaH wISov chutDaj DIpabchugh 'e' wISov ngoDmeyvammo'.
4. vers
«ghaH vISov» jatlh vay' 'a chutDaj pabbe' net jalchugh, vaj nepwI' ghaH vay'vetlh'e' 'ej vay'vetlhDaq 'oHtaHbe' vIt'e'.
5. vers
'ach QInDaj lobchugh vay', joH'a' muSHa'chu' qoDDaj. ghaHDaq wItu'lu' 'e' wISov meqmeyvammo':
6. vers
ghaH Dab ja'chugh vay', vaj ghaH rurnIS yIttaHvIS.
7. vers
juppu'wI', tlhIHvaD pab chu' vInobbe'. tlhIHvaD pab ngo' vIngeH. taghDI' Hoch, boghaj je. QIn boQoypu'bogh 'oH pabvam'e'.
8. vers
'ach tlhIHvaD pab chu' vIngeH. ghaHDaq, tlhIHDaq je teH, mejmo' tamghay 'en 'ej wejHa' wovchoH tamghay teH.
9. vers
tamghay Dab 'e' maq vay' 'a vInDa'Daj muS net jalchugh, vaj vabDot DaH tamghay 'en Dab vay'vetlh.
10. vers
vInDa'Daj muSHa'chugh vay', tamghay Dab 'ej tangmoH pagh.
11. vers
'a tamghay 'en Dab vInDa'Daj muSbogh nuv'e' 'ej ghochDaj Sovbe', mInDu'Daj Qapbe'mo' tamghay 'en.
12. vers
tlhIHvaD QIn vIngeH, puqpu' mach, pongDajvaD yaHmo' yemmeyraj.
13. vers
tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', mIghwI' bojeyta'mo'. tlhIHvaD QIn vIngeH, puqpu', vav'a' boSovmo'.
14. vers
tlhIHvaD QIn vIngeH, vavpu', ghaH boSovmo'. 'ej bI'reS SaHpu' ghaH. tlhIHvaD QIn vIngeH, Quppu'wI', SuHoSmo' 'ej lIDabmo' joH'a' QIn 'ej mIghwI' bojeyta'mo'.
15. vers
qo', Dochmey ngaSbogh qo' je tImuSHa'Qo'. qo' muSHa'chugh vay', vay'vetlh Dabbe' vav'a' muSHa'chu'ghach.
16. vers
vav'a' bopbe' Hoch'e' ngaSbogh qo'—porghmey yemmey, mInDu' yemmey, mIybogh yIn Hem je; qo''e' lubop Dochmeyvam.
17. vers
'ej ru' qo', neHmoHwI'meyDaj je. 'a Hochlogh taHtaH joH'a' lobchu'wI'.
18. vers
puqpu', qaS rep Qav. paw QIStoS ghol 'e' boSov. vabDot DaH nargh QIStoS gholpu' law'. ngoDvammo', rep Qav 'oH repvam'e'.
19. vers
maHvo' jaHpu' 'ach mungna'chaj maHbe'. tlhejwI'pu'ma' chaHbej net jalchugh, ratlhpu'. 'ach tlhejwI'pu'ma' chaHbe' 'e' lu'agh numejDI'.
20. vers
'ej nachDu'rajDaq watrIn ngoHta' quvwI''a' 'ej vIt boSov.
21. vers
vIt boSovbe' 'e' vIHarbe'; QIn qonmeH meqwIj 'oHbe' meqvam'e'. tlhIHvaD QIn vIngeH vIt boSovmo' 'ej pagh vIt 'en lIngmo' vIt.
22. vers
nep 'Iv? QIStoS ghaH yeSu'a'e' 'e' temlu'chugh, neplu'. QIStoS ghol ghaH nuv'e', vav'a', puqloD'a' je temDI'.
23. vers
puqloD'a' lajlu'Qo'chugh, vav'a' Hutlhlu'. puqloD'a' lajlu'chugh, vav'a' ghajlu' je.
24. vers
tlhIH'e', lIDab bI'reS QIn boQoypu'bogh. lIDabtaHchugh bI'reS QIn, puqloD'a', vav'a' je boDabtaH.
25. vers
'ej maHvaD Dochvam nob 'e' lay' ghaH: ru'Ha'chu'bogh yIn.
26. vers
lIyuq 'e' lunIDmo' 'op, mu'meyvam vIqon.
27. vers
nachDu'rajDaq watrIn ngoHta'mo', lIDabtaH ghaH 'ej lIghojmoH vay' 'e' bopoQbe'. 'a nachDu'rajDaq watrIn ngoHta'mo' ghaH 'ej tlhIHvaD Hoch ghojmoHtaHmo' wanI'vam 'ej teHmo' wanI'vam 'ej ngebbe'mo' wanI'vam, lIghojmoHpu' wanI'vam, ghaH boDabtaH.
28. vers
'ej DaH, puqpu' mach, ghaH'e' yIDab. wIDabchugh, mabaw'Ha' narghta'DI' 'ej matuHbe' pawta'DI'.
29. vers
Hoch quvwI'pu' boghmoHta' ghaH 'e' boSov, quv ghaH 'e' boSovchugh.
Könyvek
