chapter 2
Pala deshushtar bersh pale opregelom ando Jeruzhalemo le Barnabashesa, haj manca ingerdom vi le Tituses.
Kathar avrisikadyipe gelom opre, haj perdal vorbisardom lenca o evangeliumo, so mashkar le murtikana viacarenas, kodalenca vi avrialosardines, kon patyivisarde sas, tena avel anda khanchi, ke nashav bake nashlom.
Ba inke chi le Tituses, kon manca sas, chi trubusardine te shinavel pes krujal, kana voj helleno sas.
Apol pale kodal phral, kon choral haj xoxamnes mashkar amende aviline avri te zhanen amaro slobodipe ando Kristo Jezush, haj kade amen ando slugipe te resavaren,
kadalenge chi jekh minuto chi mukhlam amen, ke le evangeliumosko chachipe te ashol tumende.
Kodal pale, kon patyivisarde sas – ke soske sas varikana, kodo chi inkerdyol pe mande: o Del chi dikhel le manushesko trupo –, kodal patyivisarde man khanchesa chi pharardine.
Haj kana dikhline, ke pe mande si muklo le bi krujalshindengo evangeliumo, sar po Peter le krujalshindengo
– ke kon zor das le Peteres pe kruralshindengo aposhtolipe, vi man zor das mashkar le murtikana –,
haj kana pinzhardine e gracija so mange davadyilas, o Jakab, o Kefash haj o Janosh, kas stanbonge inkrenas, le jekhipesko somno andre te sikaven pengo chacho vast lunzhardine mange haj le Barnabasheske, ke ame mashkar le murtikana te aposhtolisaras, von pale mashkar le krujalshindine.
Feri te avel amen grizha pe chorre, so me vi kamos te kerav.
Ba kana o Kefash ande Antiochia avilas, angla sakoneste xosma lesa, ke perelaspe leske o dosharipe.
Kezhi kodo anglunes kana kathar o Jakab kothe te reslinesas unyizhene, sagda jekharsa avelas le murtikanonca: ba kana kodal kothe resline, palpale gelas, haj shindyilastar lendar, ke daralas kathar kodal, kon anda krujalshinde sasle.
Lesko paxandipe dikhlines vi le majbut bibolde kade kerdine, kade ke vi le Barnabashes andre cirdine ande kadi traba.
Ba kana dikhlom, ke chi phiren vorta kathar le evangeliumosko chachipe, angla savorazhende kado phendom le Kefasheske: „Kana tu biboldo san haj kade trajis sar le murtikana haj na sar le bibolde, sar shaj trubusares le murtikanon, ke kade te trajin sar le bibolde?”
Ame kathar e luma bibolde sam, haj na mashkar le murtikana le bezexarde.
Ke apol zhanas, ke o manush na kathar la krisake kerdyimata chachardyoltar, ba perdal pa Jezush Kristosko patyape, vi ame ando Kristo Jezush patyasas, ke te chachardyuvas kathar le Kristosko patyape, haj na kathar la krisake kerdyimata perdal, ke kathar la krisake kerdyimata chi jekh manush chi chachardyoltar.
Kana ame, kon ando Kristo chachardyipe rodas, vi ame bezexaslenge dichuvas, dore atunchi o Kristo la bezexaki sluga si? Chi sar!
Ke kana pale oprevazdav kodo, so tele rumusardom, man kerav atunchi krisake oprephagareske.
Ke perdal pa kris mulom la krisake, ke le Devleske te trajisarav. Le Kristosa kethanes po trushul som tannardino:
trajiv me, ba aba na me, ba o Kristo trajil ande mande. So pale akanak ando trupo trajisarav, kodo ande Devleske Shavesko patyape trajisarav, kon kamel man, haj pes das anda mande.
Chi nacharav le Devleski gracija, ke kana o chachardyipe kathar e kris te si, atunchi anda khanchi mulas o Kristo.
The software aims to connect everyone with the text of the Bible on a quickly accessible, customisable interface.
The name refers to both connectivity and speed…
“Let every man be swift to hear, slow to speak, and slow to anger!”
With love, Tom Károly