Peteresko dujto lil

Chapters:

1 2 3

verse #1

Aketa, mure kamade, kado dujto lil iskirisarav tumenge, ande soste mure vorbenca opreushtyavav tumaro patyivalo duho,

verse #2

ke te serosardyon pe kodal butya, so le sunci profeti angles phendine, haj le Rajeske haj Muntosareske perdal pa aposhtolura viacarde vladimata.

verse #3

Majanglal trubuj te zhanen, ke ande palune dyesa ande xoxavjimaste phirde prassamne avena, kon kathar pengo dorope trajin,

verse #4

haj kodo phenen: „Kaj si lesko avlimasko paratnimope?” Ke zhikathar muline le dada, sakofalo kade ashilas, zhikathar o kerdyipe.

verse #5

Ba kadal chi kamen te zhanen pa kodo, ke majanglal o cheri kerdyilas, pala kodo e phuv, so perdal pa Devleski vorba anda paji kerdyilas haj ando paji sas.

verse #6

Kathar kadal duj pustisajlas e luma so atunchi sas, kana o paji shordasla.

verse #7

E phuv haj o cheri so akanak si, zhikodo Alav inkerdas pe jag, pe krisarimasko haj pe bidevlikane manushengo dyes.

verse #8

Pe jekh varisoste pale zurales len sama, mure kamade: Kaj o Raj jekh dyes kattyij, saj jekh mija bersh, haj jekh mija bersh pale, sar jekh dyes.

verse #9

O Raj chi zebil peske vorbasa, sar unyizhene gindin kodo. Toleralisarel amen, ke chi kamel, ke vi varikon te xasajveltar, ba savorazhene te patyan po bezexbunuipe.

verse #10

Le Rajesko dyes kade avelatar, sar o chor. Atunchi le chera bare glasosa nachonatar, le riga kathar o baro tatyipe bilyanatar, e phuv pale haj le zhuvinde pe late phabonatar.

verse #11

Kana sa kadal pustinape, apol soskirenge trubuj te aven ando sunto trajo tumenge,

verse #12

kon zhukaren haj zurales dorosaren le Devleske dyesesko avlipe, kana le chera phabonatar haj nachonatar, le riga pale kathar la jagako tatyipe bilyanatar?

verse #13

Ame apol – sar leski vorba phenel –nyevi phuv haj nyevo cheri zhukaras, kaj o chachipe beshel.

verse #14

Kana apol, mure kamade, kadal zhukaren, pe kodo te aven, ke uzhes bidoshako te arakhel tumen ande pacha.

verse #15

Inkren amare Rajesko toleranshipes pe tumende dikhlines muntoimaske, sar vi amaro kamado phral o Pal iskirisardasles tumenge kodale platnikipesa, so leske davadyilas.

verse #16

Vi vorbil pa kadal sa ande peske lila. But butya apol pharo si ande lende te hatyaren – kadalen le bi zhanara haj le slabura perdal xoxaven, sar vi le majbute Iskirimatan, pe pengo xasajvipe.

verse #17

Tume apol, mure kamade, pala soste sa kadal zhanen, len sama, ke le bidevlikanengo xoxavjipe tena xutyilel tumen, haj tena xasaren tumaro zuraripe.

verse #18

Barem baron ande gracija ande amare Rajesko haj muntori Jezush Kristosko pinzharipe. Leske te avel luvudyipe akanak haj pe sagutnipesko dyes! Amen.

Chapters:

1 2 3