Peteresko dujto lil

chapter 2


Chapters:

1 2 3


Le xoxamne sityarengo sityaripe


verse #1

Ba sas mashkar le manusha vi xoxamne profeti, sar vi mashkar tumende avna xoxamne sityara, save turbatura xoxamne trabi sityarena, haj kodales, kon muntosardas len, le Rajes, asvikarna, sigaslo rumuvjipe cirdines pe pende.


verse #2

But zhene patyana lenge xoxamnimata, haj anda lende kushena le chachimaske dromes.


verse #3

Anda pengo xanzhvalipe xoxamne vorbenca kamena te kinen tumen: ba o krisaripe aba dulmutanes vazdelpe pe lende, haj o pustipe, so pe lende zhukarel chi sovelatar.


Daramnimaske krisarimata pe xoxamne sityara


verse #4

Ke o Del inke chi le doshale andyelonge chi jertisrdas, ba ande telalutna lumake sastra phandadines ando milnope shudas len, ke kothe te dukharen len haj te inkren len phangles po krisaripe.


verse #5

Haj chi jertisardas chi la dulmutana lumake, feri le Noevos, le chachipeske viacares muntosardas oxto-pesa, kana pe bi devlengire opremuklas o baro paji.


verse #6

Vi la Sodomake haj la Gomorake foros zhikaj o praho tele phabardas, pustimasa sazdelisardas len, sikadines kodalenge, kon nasul kerena;


verse #7

Le kikidisarde chache Lotos pale kathar le nasulenge azbaimata haj marhimata avrislobodisardas,


verse #8

ke voj, boldines kodales, so dikhlas haj ashundas, chacho ashilas, ba mashkar kodal beshelas, kon sako dyes nasule trabenca azbanas leske chache duhos.


verse #9

O Del zhanel te slobodisarel anda zumavjimata le deldaramnen, le nasulen pale pe krisarimasko dyes mukel, ke te bezexardyontar.


verse #10

Majfeder kodalen, kon ande bi uzhimaske dorope pala trupo phiren, haj le opralutnipes tele dikhen.

Kadal bidarimaske, phutyardej, haj chi daran le luvudyimaske butya te kushen,


verse #11

apol chaches le andyela, kon kathar pengi zor haj saktimo majbarej, chi anen pe jekhavreste kushlimaski krisaripe.


verse #12

Ba kadala, sar le chalade pedura, kushen sa kodo, so chi hatyaren. Ba xasajvenatar ande pengo rumuvjipe.


verse #13

Resena le nasulimasko potyinipe sa kodala, kon lashimaske inkren le sako dyesesko vojisaripes. Ando mishto hatyaripe tasiline melalyimata si von, kon pe penge bare xamimata vojin pe tumende.


verse #14

Lenge jakha fimlalisardyol kathar ansuripe oprephaglipe haj kathar le sagutne bezexarimata. Pende xoxaven le slabone duhon, ke lengo ilo po xanzhvalipe si avri zumado. Le armajaske shave si von,


verse #15

kon mukline o vorta drom, haj xasajlinetar. Pala Beoresko shavo, pala Balam geline, kon majfeder kamelas le nasulimasko potyinipe,


verse #16

ba vi krisardyilas anda peske bezexa: o pharipe phirado muto pedo duma das pe manushikano glaso, haj nashtisardas le profetasko dilipe.


verse #17

Bi pajeskire ab si von, kathar balval nashade nororaj –, o majkalo tunyarikipe zhukarel pe lende!


verse #18

Ke khanchimata vorbin phutyardes, haj pe marhimasle trabi xoxaven kodalen, kon daba muntusardyiline kathar le nasula.


verse #19

Slobodipe phenen lenge, apol pale von si le rumuvjimaske slugi, ke kas varikon tele viktornisarel, kodaleske vi sluga kerdyol.


verse #20

Apol kodal, kon peredal pa amare Rajesko haj muntoimasko Jezush Kristosko pinzharipe muntosardyiline kathar la lumake zhungalimata, ba pale milnosardyiline ande kadal, haj mardyiline, kadi majpaluni traba majnasul si lenge sar e angluni.


verse #21

Majmishto avilino lenge le chachipesko drom china chi te pinzhardinesas, ke pala kodalesko pinzharipe te muken o sunto vladipe, so lenge dine.


verse #22

Ke andre pherdyol pe lende kodi chachi vorba:
„Palpale zhal o zhukel kaj kodo, so avri shanglas”, haj:
„Palpale pashjilas o balo ande chik, ande soste pashjolas”.

Chapters:


Books