’IbrIynganvaD
capítulo 2
verso 1
vaj QIn wIQoy'pu'bogh wIbuSnISchu'. wIqImbe'chugh, vIt wIchIlmeH Qob wIbam.
verso 2
taH chut'e' je maqbogh QumwI', 'ej chutvam bIvchugh qoj buSHa'chugh vay', bIj mIt Hev ghaH.
verso 3
DaH toDmeH QIn le' wIbuSHa'chugh, chay' manargh? QInvam vep tagh joH'e', ghIq maHvaD maq jantor'e' Qoy'pu'bogh ghaH.
verso 4
QInvam woqmeH maQmey, boqHarmey, ta'mey ngar je ta' Qun'a'. qa'a' quv nupeSqang je.
verso 5
SIbI'Ha' SaHchoHbogh qo' mamaq. qo'vetlh che'meH QumwI' Sughbe' Qun'a'.
verso 6
ghItlhDaq nguH vay', jatlhtaHvIS: {nuv nuq? qatlh DaSaH? nuv puqloD nuq? qatlh DaQorgh?
verso 7
poH ngaj ghaH DaquvHa'moH, QumwI' bIngDaq DalumoHtaHvIS. 'a ghIq ghaHvaD ngay' quv je Danob, 'ej Hoch'e' chenmoHpu'bogh ghopDu'lIj joH DamojmoH.
verso 8
qamDu'Daj bIngDaq Hoch Dalan.} ghaHvaD Hoch joH mojmoHmo' Qun'a', pagh chuv tu'lu' che'be'bogh ghaH. 'ach wej Hoch che' ghaH 'e' wIlegh.
verso 9
'ach poH ngaj QumwI' bIngDaq lumoHpu'bogh yeSuS'e' wIleghbej. bepDajmo' HeghDajmo' je, quv ngay' je ghajbogh ghaH wIlegh. Qun'a' pungmo' Hoch nuvvaD Heghpu'.
verso 10
Hoch mung ghaH, 'ej Hoch chIl ghaH je, Qun'a''e'. puqDajvaD law' batlhDaj nob neHDI', bepmey lo'taHvIS toDwI'chaj Dubchu'. Qun'a'vaD mIt nabvam.
verso 11
wa' vav lughajmo' quvmoHwI' quvwI'pu' je, loDnI' be'nI' ghap per yeSuS 'ej tuHbe',
verso 12
jatlhtaHvIS: {loDnI'pu'wI'vaD ponglIj vImaq. muDechtaHvIS vInDa'wI' qanaD.}
verso 13
jatlhtaHvIS je: {ghaH vIvoq vIneH}, jatlhtaHvIS je: {naDev jISaH, 'ej naDev SaH puqpu''e' munobpu'bogh Qun'a'.}
verso 14
'oynot 'Iw je yughmo' puqpu' porghmey, 'oynot 'Iw je yughbogh porgh'e' laj ghaH. vaj HeghDajmo' Hegh HoS ghajbogh veqlargh'e' Qaw'laH.
verso 15
qaStaHvIS yInchaj naQ Hegh ghIjbogh Hoch toy'wI''a''e' tlhabmoHlaH je.
verso 16
teH: QumwI' QaHbe', 'ach 'abraham puqpu' QaHbej.
verso 17
vaj loDnI' be'nI' je rurnISchu' ghaH, noDHa'bogh maqlegh'a' matlh mojmeH 'ej Qun'a' toy'laHmeH, yempu'bogh nuvpu''e' Qun'a' je rojlaHtaHvIS.
verso 18
bechpu'mo' 'ej tlhu'pu'mo' ghaH'e', tlhu'bogh nuv QeHlaH.
Libros
