’IbrIynganvaD

Capitole:

1 2 3

versetul 1

vaj QIn wIQoy'pu'bogh wIbuSnISchu'. wIqImbe'chugh, vIt wIchIlmeH Qob wIbam.

versetul 2

taH chut'e' je maqbogh QumwI', 'ej chutvam bIvchugh qoj buSHa'chugh vay', bIj mIt Hev ghaH.

versetul 3

DaH toDmeH QIn le' wIbuSHa'chugh, chay' manargh? QInvam vep tagh joH'e', ghIq maHvaD maq jantor'e' Qoy'pu'bogh ghaH.

versetul 4

QInvam woqmeH maQmey, boqHarmey, ta'mey ngar je ta' Qun'a'. qa'a' quv nupeSqang je.

versetul 5

SIbI'Ha' SaHchoHbogh qo' mamaq. qo'vetlh che'meH QumwI' Sughbe' Qun'a'.

versetul 6

ghItlhDaq nguH vay', jatlhtaHvIS: {nuv nuq? qatlh DaSaH? nuv puqloD nuq? qatlh DaQorgh?

versetul 7

poH ngaj ghaH DaquvHa'moH, QumwI' bIngDaq DalumoHtaHvIS. 'a ghIq ghaHvaD ngay' quv je Danob, 'ej Hoch'e' chenmoHpu'bogh ghopDu'lIj joH DamojmoH.

versetul 8

qamDu'Daj bIngDaq Hoch Dalan.} ghaHvaD Hoch joH mojmoHmo' Qun'a', pagh chuv tu'lu' che'be'bogh ghaH. 'ach wej Hoch che' ghaH 'e' wIlegh.

versetul 9

'ach poH ngaj QumwI' bIngDaq lumoHpu'bogh yeSuS'e' wIleghbej. bepDajmo' HeghDajmo' je, quv ngay' je ghajbogh ghaH wIlegh. Qun'a' pungmo' Hoch nuvvaD Heghpu'.

versetul 10

Hoch mung ghaH, 'ej Hoch chIl ghaH je, Qun'a''e'. puqDajvaD law' batlhDaj nob neHDI', bepmey lo'taHvIS toDwI'chaj Dubchu'. Qun'a'vaD mIt nabvam.

versetul 11

wa' vav lughajmo' quvmoHwI' quvwI'pu' je, loDnI' be'nI' ghap per yeSuS 'ej tuHbe',

versetul 12

jatlhtaHvIS: {loDnI'pu'wI'vaD ponglIj vImaq. muDechtaHvIS vInDa'wI' qanaD.}

versetul 13

jatlhtaHvIS je: {ghaH vIvoq vIneH}, jatlhtaHvIS je: {naDev jISaH, 'ej naDev SaH puqpu''e' munobpu'bogh Qun'a'.}

versetul 14

'oynot 'Iw je yughmo' puqpu' porghmey, 'oynot 'Iw je yughbogh porgh'e' laj ghaH. vaj HeghDajmo' Hegh HoS ghajbogh veqlargh'e' Qaw'laH.

versetul 15

qaStaHvIS yInchaj naQ Hegh ghIjbogh Hoch toy'wI''a''e' tlhabmoHlaH je.

versetul 16

teH: QumwI' QaHbe', 'ach 'abraham puqpu' QaHbej.

versetul 17

vaj loDnI' be'nI' je rurnISchu' ghaH, noDHa'bogh maqlegh'a' matlh mojmeH 'ej Qun'a' toy'laHmeH, yempu'bogh nuvpu''e' Qun'a' je rojlaHtaHvIS.

versetul 18

bechpu'mo' 'ej tlhu'pu'mo' ghaH'e', tlhu'bogh nuv QeHlaH.

Capitole:

1 2 3