’IbrIynganvaD

Chapters:

1 2 3

verse #1

vaj QIn wIQoy'pu'bogh wIbuSnISchu'. wIqImbe'chugh, vIt wIchIlmeH Qob wIbam.

verse #2

taH chut'e' je maqbogh QumwI', 'ej chutvam bIvchugh qoj buSHa'chugh vay', bIj mIt Hev ghaH.

verse #3

DaH toDmeH QIn le' wIbuSHa'chugh, chay' manargh? QInvam vep tagh joH'e', ghIq maHvaD maq jantor'e' Qoy'pu'bogh ghaH.

verse #4

QInvam woqmeH maQmey, boqHarmey, ta'mey ngar je ta' Qun'a'. qa'a' quv nupeSqang je.

verse #5

SIbI'Ha' SaHchoHbogh qo' mamaq. qo'vetlh che'meH QumwI' Sughbe' Qun'a'.

verse #6

ghItlhDaq nguH vay', jatlhtaHvIS: {nuv nuq? qatlh DaSaH? nuv puqloD nuq? qatlh DaQorgh?

verse #7

poH ngaj ghaH DaquvHa'moH, QumwI' bIngDaq DalumoHtaHvIS. 'a ghIq ghaHvaD ngay' quv je Danob, 'ej Hoch'e' chenmoHpu'bogh ghopDu'lIj joH DamojmoH.

verse #8

qamDu'Daj bIngDaq Hoch Dalan.} ghaHvaD Hoch joH mojmoHmo' Qun'a', pagh chuv tu'lu' che'be'bogh ghaH. 'ach wej Hoch che' ghaH 'e' wIlegh.

verse #9

'ach poH ngaj QumwI' bIngDaq lumoHpu'bogh yeSuS'e' wIleghbej. bepDajmo' HeghDajmo' je, quv ngay' je ghajbogh ghaH wIlegh. Qun'a' pungmo' Hoch nuvvaD Heghpu'.

verse #10

Hoch mung ghaH, 'ej Hoch chIl ghaH je, Qun'a''e'. puqDajvaD law' batlhDaj nob neHDI', bepmey lo'taHvIS toDwI'chaj Dubchu'. Qun'a'vaD mIt nabvam.

verse #11

wa' vav lughajmo' quvmoHwI' quvwI'pu' je, loDnI' be'nI' ghap per yeSuS 'ej tuHbe',

verse #12

jatlhtaHvIS: {loDnI'pu'wI'vaD ponglIj vImaq. muDechtaHvIS vInDa'wI' qanaD.}

verse #13

jatlhtaHvIS je: {ghaH vIvoq vIneH}, jatlhtaHvIS je: {naDev jISaH, 'ej naDev SaH puqpu''e' munobpu'bogh Qun'a'.}

verse #14

'oynot 'Iw je yughmo' puqpu' porghmey, 'oynot 'Iw je yughbogh porgh'e' laj ghaH. vaj HeghDajmo' Hegh HoS ghajbogh veqlargh'e' Qaw'laH.

verse #15

qaStaHvIS yInchaj naQ Hegh ghIjbogh Hoch toy'wI''a''e' tlhabmoHlaH je.

verse #16

teH: QumwI' QaHbe', 'ach 'abraham puqpu' QaHbej.

verse #17

vaj loDnI' be'nI' je rurnISchu' ghaH, noDHa'bogh maqlegh'a' matlh mojmeH 'ej Qun'a' toy'laHmeH, yempu'bogh nuvpu''e' Qun'a' je rojlaHtaHvIS.

verse #18

bechpu'mo' 'ej tlhu'pu'mo' ghaH'e', tlhu'bogh nuv QeHlaH.

Chapters:

1 2 3