’IbrIynganvaD

Chapters:

1 2 3

verse #1

vaj yeSuS yIbuS, loDnI' quv be'nI' quv je rItbogh Qun'a'. lalDanmaj Duy maqlegh'a' je ghaH, yeSuS'e'.

verse #2

reH matlh ghaH 'ej SughwI'Daj toy'. moySeS rur. {matlh moySeS 'ej Qun'a' tuq naQ toy'.}

verse #3

quv moySeS 'ej quvqu' yeSuS, jasHa' quv qach 'ej quvqu' qach mutlhwI'.

verse #4

mutlhwI' ghaj Hoch qach, 'ach Hoch chenmoHta' Qun'a'.

verse #5

teH: {matlh moySeS 'ej Qun'a' tuq naQ toy'.} toywI' matlh ghaH, SIbI'Ha' maqbogh QIn nguHmeH.

verse #6

'ach puqloD matlh joH matlh je ghaH yeSuS'e'. tuqDaj maHmabaw'taHchugh 'ej matulmo' maHemtaHchugh.

verse #7

'e'mo' jatlh qa'a' quv: {DaHjaj ghoghDaj boQoy'chugh,

verse #8

tIqraj yIletmoHQo'! DebDaq no'ra' yIrurQo'! qaStaHvIS poHvetlh, lotlh 'ej muQeHmoH chaH.

verse #9

qaStaHvIS loSmaH DIS ta'meywIj jantor chaHpu'.'ach muqaD 'ej mu'ol,

verse #10

vaj muberghmoH puqpoHvetlh. vIjatlh: {reH tIqrajDaq QaghtaH, 'ej tIghmeywIj Sovbe'.}

verse #11

tagha' jIQeH 'ej jI'Ip, jatlhtaHvIS: {not rojwIj bo'el!} }

verse #12

vaj peqIm, lodnI'wI' be'nI'wI' je! voqbe'bogh tIqDu' mIgh yIghajQo', 'ej yInbogh Qun'a' yIlonQo'!

verse #13

pagh tojlu'meH 'ej yemmeH pagh, jatlhlaHtaHvIS {DaHjaj}, Hoch jaj petungHa'chuq!

verse #14

mabaw'taHchugh 'ej not 'e' mamevchugh, matay' maH 'IHrIStoS je.

verse #15

ghItlh wIQoy'qa': {DaHjaj ghoghDaj boQoy'chugh, tIqraj yIletmoHQo'! qaStaHvIS poHvetlh, lotlh 'ej muQeHmoH chaH.}

verse #16

Qun'a' ghogh Qoy'pu' 'Iv, 'ach lotlh? maSIrvo' mejpu'bogh, moySeS Devbogh Hoch chuDpu''e' chaHbe''a'?

verse #17

qaStaHvIS loSmaH DIS Qun'a' QeHmoH 'Iv? yempu'mo' DebDaq yInDaj ghanglu'bogh nuvpu''e' chaHbe''a'?

verse #18

'Ivmo' 'Ip Qun'a', jatlhtaHvIS: {not rojwIj 'el!}? Qun'a' Qoy'Qo'bogh nuvpu''e' chaH.

verse #19

voqbe'mo' 'ellaHbe' chaH 'e' wIlegh.

Chapters:

1 2 3