Zent Lukach ewangeliomija
capítulo 4
verso 1
IEſus kegijg tellijes ʒent lelekel, meg tere Iordā mellewl, ees keʒerijtetek leleknek mijatta a Pwʒtaba,
verso 2
ees negijwen napokon keſertetijk wa la aʒ ewrdegtewl, melij napokon ſemmijt nem euek. Ees mijkoron aʒ napok be tewltenek wolna meg eheʒek.
verso 3
Ees mōda nekij aʒ ewrdeg. Ha iſtennek fija wagij mongijad imeʒ kewnek, hogij legij en kenijerre.
verso 4
Ees felele nekij Ieſus mondwā. Meg wagijon irwan. Nem chak kenijerrel eel ember de iſtennek mijndē beʒedeuel.
verso 5
Ees wijue ewtet aʒ ewrdeg egij magas hegijre. Ees meg mwtata nekij eʒ fewldnek kerekſegenek mijnden orʒagijt egij ponke ijdewbe,
verso 6
ees monda nekij aʒ ewrdeg, neked adom eʒt eʒ hatalmat mijndeneſtewl, ees eʒeknek dijchewſeget, mert ennekē wā nak adwan, ees kjnek een akorom, annak adom.
verso 7
Aʒert ha te imadandaʒ engemet le borwlwan een elewttem, eʒek mijnt tijeijd leʒnek.
verso 8
Ees felele Ieſus monda nekij, menij wtannā Sathana, mert meg wagijon irwan. Aʒ te wradat iſtenedet imagijad, ees chak aʒt tijʒtellijed.
verso 9
Ees wijue ewtet Ieruſalembe, ees allata ewtet a templom teteijere, monda nekij, ha iſtennek fija wagij, bochaſd ala inneet magadat.
verso 10
Mert meg wagijon irwa. hogij aʒ ew angelijnak parancholt te felewled, hogij meg tarchanak tegedet,
verso 11
ees keʒekbe weʒ nek teged, hogij meg ne ſerched kewbe aʒ te labadat.
verso 12
Ees felele Ieſus mōda nekij, meg wagijon mondwan. Ne keſerched wradat iſtenedet.
verso 13
Ees mijndē keſerteſt el wegeʒuen el mene ew tewle aʒ ewrdeg ideijg.
verso 14
Ees tee re Ieſus ʒent lelek ihleſebewl Galileaba. Ees kij mene ew felewle aʒ hijr mijnd aʒ egeʒ tartomanijon.
verso 15
Ees ew tanijt wala aʒ ew Sinagogaijokba, ees mijndenektewl dijche wijtetijk wala.
verso 16
Ees iewe Naʒaretbe hol fel tartatot wa la. Ees be mene aʒ ew ʒokaſa ʒerijnt ʒombat napon aʒ Sijnagogaba, fel kele hogij olwaſna.
verso 17
Adak nekij Eſaias Profeta kewnijwet ees mijhelijen fel nijta aʒ kewnijwet, talala egij helijet benne holot aʒt irtak wa la.
verso 18
Vrnak lelke een raijtam, aʒert hogij meg kent engemet, hogij ʒegenijeknek ewangelijomot hijrdeſſek bochatot engemet, hogij meg wijgaʒʒam kijk banatos ʒijwel wannak, hogij hijrdeſſek foglijoknak meg ʒabadulaſt, wakoknak lataſt, be rekeʒtettek nek meg nijtaſt,
verso 19
hogij wrnak kellemetes predijkallanek.
verso 20
Ees aʒ kewnijwet be teuen meg ada a-ʒolganak, ees le ijle. Ees aʒ Sijnagogaba mijndenek ʒemeij reija walanak fijgijelme teſek.
verso 21
Keʒde kegijg nekijk mondanij, ma tel lijeſedet be eʒ iras aʒ tij fijijetekbe.
verso 22
Ees mijn nijaijan bijʒonſagot adnak wala nekij, ees chodalkoʒnak wala aʒ ew beʒedenek malaʒ tijan, melij aʒ ew ʒaijabol ʒarmaʒijk wala. Ees mondnak wala, nemde Ioſef fijae eʒ?
verso 23
Ees monda nekijk. Bijʒonijawal aʒ haſonlatoſſagot mongijatok ennekem, orwos gijo gijch magadat. Valamijt hallotonk ho gij mijeltel Kafernaumba, mijeld ijttijs a te haʒaadba.
verso 24
Monda kegijg. Bijʒon mondom nektek, hogij egij Profeta ſem wolt kellemetes aʒ ew haʒaijaba.
verso 25
De igaſſaggal mondom nektek, ſok ewʒ wegijek walanak Illijeſnek napijaijba Iſrael kewʒet, Mijkoron be tetetet wala a menijorʒag, harom eʒtendeijg ees hat holnapijg mijkoron lewt wolna nagij ehſeg mijnden fewlden,
verso 26
ees aʒok keʒʒijl egijkheʒ ſem bochattatek Illijes, hanem chak Sijdon tartomanijnak Sarephtha neuij waraſaba egij ew ʒuegij aʒonhoʒ.
verso 27
Ees ſok pokloſok walanak Iſrael kewʒet Elijſeus Profeta ideijeben, ees aʒok keʒʒijl ſenkij meg nem tijʒtwla, hanē chak Naman, Sijriabol walo.
verso 28
Ees mijnnijaij an a Sijnagogaba meg telenek haraggal, hogij eʒt hallak.
verso 29
Ees fel tamadanak, ees kij wetek ewtet a waraſbol, ees wijuek mijnd aʒ hegijnek teteijeig, mellijen aʒ waraſt epij tettek wala hogij onnet le wetnek.
verso 30
Ew kegijglen altalok menwen kewʒewtek el megijen wala.
verso 31
Ees iewe Kafernaumba Galilea nak waraſaba, ees ot ewket tanijttija wala ʒōbat napokon.
verso 32
Ees el amelkodnak wala aʒ ew twdomanijan. Mert aʒ ew beʒede wala egijbe ʒerkeʒtetwe hatalommal.
verso 33
Ees wala a Sijnagogaba egij ember, kij be wala ewrdegnek fertelmes lelke, eʒ fel ijwelte nagij fel ʒowal mondwan.
verso 34
No aʒert mij kewʒewnk wagijon weled nekewnk Na ʒarethbelij Ieſus, aʒert iewttele hogij el we ʒes mijnket? Twdlak kij wagij, iſtennek amaʒ ʒentij.
verso 35
Ees meg fedde ewtet Ieſus mōd wan, nijmwlij meg, ees menij kij ew belew le. Ees mijkoron le eijtette wolna ewtet aʒ ewrdeg kij mene belewle de Semmijt nekij nem arta.
verso 36
Ees lewn felelem mijndeneken, ees ʒolnak wala ewn kewʒtek mondwan. Mijchoda beʒed eʒ? Mert wgijan hatalommal ees hatalmaſſaggal paranchol a fertel mes lelkeknek ees kij mennek?
verso 37
Ees wijſelijk wala aʒ ew hijret mijnden helijen ees mijnden fele, a hataros tartomanijokon.
verso 38
Mijkoron fel kewlt wolna kegijg Ieſus a Sijnagogabol, be mene Sijmonnak haʒaba holot Peternek napat igen lelij wala aʒ hijdeg, ees kerek ewtet aʒ aʒonijert,
verso 39
ees alwan ew felette, meg fedde aʒ hijdeget, ees a hij deg el hagija ewtet, mijnd iaraſt kegijg fel kelwen ʒolgal wala nekijk.
verso 40
Mijkoron kegijg a nap el nijwgodnek, mijndenek kijknek be tegek wolna kijlemb kijkemb beteſegekkel ew hoʒʒa, hoʒʒak wala. Ees ew mijndenijkre keʒet reija wetwē, meg gijogijtija wala ewket.
verso 41
Aʒ ewrdegekijs kij mennek wala Sokakbol iwewltwē ees mondwā, te wagij a Criſtus amaʒ iſtennek fija. Ees meg fedwen nem hagij wala nekijk ʒolnij, mijwel hogij twgijak wala hogij ew wolna a Criſtus.
verso 42
Aʒ nap meg leuen kegijg kij megijen wala a pwʒtaba, ees a ſeregek kereſijk wala ewtet, Ees iewenek mijnd agijeg hol ew wala, ees meg tartoʒtattijak wala ewtet, ho gij el ne menne tewlek.
verso 43
Kijknek ew monda Mas waraſoknakijs ʒijkʒeg nekē hogij hijrdeſſem euangeliom altal iſtennek orʒagat. mert aʒert bochattattam.
verso 44
Ees predijkal wa la Galileanak Sinagogaijba.
Libros
