pe’tlhoS nav QIn cha’DIch

Capitole:

1 2 3

versetul 1

juppu'wI', DaH cha'logh tlhIHvaD nav QIn vIngeHta'. SaQubmoHchu'meH cha' nav QInmeyvam vIqonta'.

versetul 2

tlhIHvaD mu'mey'e' jatlhta'bogh joH'a' Duypu' vIqawmoH vIneH. tlhIHvaD rIchwIn lumaqta'bogh joHma' vIqawmoH vIneH je. (rIchwInvam maqmeH toDwI''a'ma', Duypu'Daj lo'ta'.)

versetul 3

jajmey Qav SaH nguypu' 'e' yIyaj. nguy chaH 'ej chaH Dev mIghbogh Dujchaj tlhIn.

versetul 4

jatlh «nuqDaq ghaHtaH? paw 'e' lay'. 'emrIghpu'ma' Hegh, DaH je qubbID taHtaH Hoch. rap bovmaj, bov wa'DIch je.»

versetul 5

'a ben law' chal chenmoH joH'a' QIn 'ej bIQvo' chen tera' 'ej tera' chenmoHlu'meH bIQ lo'lu'ta' chIch 'e' lulIj.

versetul 6

bovvetlh qo' Qaw'pu' je SoD'a' 'e' qaSmoHlu'meH bIQvetlh lo'lu'.

versetul 7

qulvaD bovmaj chal, bovmaj tera' je pollI' QInvetlh rap. yoj jajvaD, quvHa'wI'pu' Qaw'vaD je lupollI'.

versetul 8

'a wa' Dochvam yIlIjQo', juppu'wI': joH'a' tlhejlu'taHvIS, wa'SaD DIS rur wa' jaj.

versetul 9

Dochmey lay'ta'bogh turmeH QIt vangbe' joH'a'. jaS mu'vam yaj 'op. thIHvaD tuvtaH joH'a'. Qaw'raj bojun neH ghaH. yabraj bochoH neH ghaH.

versetul 10

'a pawDI' yoj jaj; nIHwI' rur. ngab chal chuSqu'taHvIS. Hap Qaw' qul 'ej tera', ta'meyDaj je lumeQlu'chu'.

versetul 11

vaj Hoch Qaw'lu'bejmo', chay' SuvangnIS? ghob QaQ yIpabtaH 'ej pequvHa'taH,

versetul 12

joH'a' jaj boloStaHvIS 'ej jajvetlh borIttaHvIS. jajvetlh chal Qaw' qul 'ej Hap tet tuj'a'.

versetul 13

'a Dochmey lay'ta'bogh joH'a' DIqeltaHvIS, nuSeymoH chal chu', tera' chu' je. pa' quv'e' tu'lu'.

versetul 14

vaj, juppu'wI', ghu'vam bopIHmo', Supup 'e' yInIDqu'. pIch yIHutlh 'ej Surojchuq rIntaH tlhIH, ghaH je 'e' yISovbej.

versetul 15

joH'a' tuvmeH mIwvaD toD'a' yIDam. jaSHa' lIqeSta' pawloS, vInDa'na'ma', chulmoHtaHvIS joH'a'.

versetul 16

meqmeyvam'e', Qochbe' pawloS 'e' lu'agh Hoch nav QInmeyDaj. meqmey'e' muchbogh nav QInmeyDaj luyajlu'meH Qatlh Qu' 'ej chIch meqmeyvetlh lurIchHa' jIvwI'pu', mISwI'pu'. jaSHa' chIch latlh ghItlhmey quv rIchHa'mo', Qaw''egh.

versetul 17

vaj, juppu'wI', lIQaghmoH Sun HutlhwI'pu' 'e' bobotmeH peDughtaH boghuHmoHlu'ta'mo'. lulIghraj HoS yIweSQo'.

versetul 18

'a lInenmoHjaj pung'a''e', Sov'e' je nobta'bogh yeSu'a QIStoS, joHma' toDwI''a'ma' je. DaH ngay' ghaj 'ej Hochlogh ngay' ghaj! qaSjaj.

Capitole:

1 2 3