pe’tlhoS nav QIn cha’DIch

chapter 3

Chapters:

1 2 3

verse #1

juppu'wI', DaH cha'logh tlhIHvaD nav QIn vIngeHta'. SaQubmoHchu'meH cha' nav QInmeyvam vIqonta'.

verse #2

tlhIHvaD mu'mey'e' jatlhta'bogh joH'a' Duypu' vIqawmoH vIneH. tlhIHvaD rIchwIn lumaqta'bogh joHma' vIqawmoH vIneH je. (rIchwInvam maqmeH toDwI''a'ma', Duypu'Daj lo'ta'.)

verse #3

jajmey Qav SaH nguypu' 'e' yIyaj. nguy chaH 'ej chaH Dev mIghbogh Dujchaj tlhIn.

verse #4

jatlh «nuqDaq ghaHtaH? paw 'e' lay'. 'emrIghpu'ma' Hegh, DaH je qubbID taHtaH Hoch. rap bovmaj, bov wa'DIch je.»

verse #5

'a ben law' chal chenmoH joH'a' QIn 'ej bIQvo' chen tera' 'ej tera' chenmoHlu'meH bIQ lo'lu'ta' chIch 'e' lulIj.

verse #6

bovvetlh qo' Qaw'pu' je SoD'a' 'e' qaSmoHlu'meH bIQvetlh lo'lu'.

verse #7

qulvaD bovmaj chal, bovmaj tera' je pollI' QInvetlh rap. yoj jajvaD, quvHa'wI'pu' Qaw'vaD je lupollI'.

verse #8

'a wa' Dochvam yIlIjQo', juppu'wI': joH'a' tlhejlu'taHvIS, wa'SaD DIS rur wa' jaj.

verse #9

Dochmey lay'ta'bogh turmeH QIt vangbe' joH'a'. jaS mu'vam yaj 'op. thIHvaD tuvtaH joH'a'. Qaw'raj bojun neH ghaH. yabraj bochoH neH ghaH.

verse #10

'a pawDI' yoj jaj; nIHwI' rur. ngab chal chuSqu'taHvIS. Hap Qaw' qul 'ej tera', ta'meyDaj je lumeQlu'chu'.

verse #11

vaj Hoch Qaw'lu'bejmo', chay' SuvangnIS? ghob QaQ yIpabtaH 'ej pequvHa'taH,

verse #12

joH'a' jaj boloStaHvIS 'ej jajvetlh borIttaHvIS. jajvetlh chal Qaw' qul 'ej Hap tet tuj'a'.

verse #13

'a Dochmey lay'ta'bogh joH'a' DIqeltaHvIS, nuSeymoH chal chu', tera' chu' je. pa' quv'e' tu'lu'.

verse #14

vaj, juppu'wI', ghu'vam bopIHmo', Supup 'e' yInIDqu'. pIch yIHutlh 'ej Surojchuq rIntaH tlhIH, ghaH je 'e' yISovbej.

verse #15

joH'a' tuvmeH mIwvaD toD'a' yIDam. jaSHa' lIqeSta' pawloS, vInDa'na'ma', chulmoHtaHvIS joH'a'.

verse #16

meqmeyvam'e', Qochbe' pawloS 'e' lu'agh Hoch nav QInmeyDaj. meqmey'e' muchbogh nav QInmeyDaj luyajlu'meH Qatlh Qu' 'ej chIch meqmeyvetlh lurIchHa' jIvwI'pu', mISwI'pu'. jaSHa' chIch latlh ghItlhmey quv rIchHa'mo', Qaw''egh.

verse #17

vaj, juppu'wI', lIQaghmoH Sun HutlhwI'pu' 'e' bobotmeH peDughtaH boghuHmoHlu'ta'mo'. lulIghraj HoS yIweSQo'.

verse #18

'a lInenmoHjaj pung'a''e', Sov'e' je nobta'bogh yeSu'a QIStoS, joHma' toDwI''a'ma' je. DaH ngay' ghaj 'ej Hochlogh ngay' ghaj! qaSjaj.

Chapters:

1 2 3

Books