yo’aneS nav QIn wejDIch

versetul 1

gha'yuSvaD nav QInvam vIngeH. jupwI' ghaH 'ej ghaH vISaHqu'bej.

versetul 2

jupwI', bIchepchu'jaj 'ej bIpIvqu'jaj; chepbogh qa'lIj tlhIn Darurjaj.

versetul 3

vIt DapabtaH 'ej 'oHDaq bIyIttaH 'e' nguH HarwI'pu'DI' jIQuchqu'.

versetul 4

vItDaq yIttaH puqpu'wI' 'e' vIghojDI', jIQuchqu'choHchu'.

versetul 5

bImatlh vInDa'pu' Datoy'; bImatlhqu' novpu' chaHDI' vInDa'pu''e' Datoy'bogh.

versetul 6

bImuSHa'qu' HarwI'pu'vaD 'e' lunguH chaH. tlheDDI' chaH, tIlengrupqu'moH 'ej joH'a' yIquvmoH.

versetul 7

pong'a'mo' tlheD chaH 'ej chaH boQbe'chu' Harbe'wI'.

versetul 8

vaj nItebHa' vItvaD mavummeH vInDa'pu'vam rurbogh ghotpu' DIma'nIS.

versetul 9

chIrghDaq QIn vIngeHta' 'ach nulajQo' DIyotlhey'veS (chIrgh Dev 'e' tIv ghaH.)

versetul 10

vaj jIpawDI', ghaHvaD ta'meyDaj qawmoH: maH bopbogh Dap jatlhtaH. 'a yonbe' nunaDHa'DI' neH. latlh vInDa'pu' lajQo' 'ej chIrghvo' vInDa'pu' lajqangwI'pu' vuj.

versetul 11

jupwI', QaQwI' yIDa; mIghwI' qa'. quvwI' ngeHta' joH'a'; joH'a' leghbe' quvHa'wI'.

versetul 12

Deme'tlhoS naD Hoch. vabDot naD vIt'e'. wInaD je. 'ej teH 'e' DaSov SoH.

versetul 13

De' law' qaja' vIneH 'a Dochmeyvam qaja'meH ghItlhwI', rItlh je vIlo' vIneHbe'.

versetul 14

'a tugh qaleghqa' 'e' vItul. ngugh maja'chuq. roj DaSIQjaj. naDev nIvan juppu'. pa' ngIq jup yIvan, pongchaj Dalo'taHvIS.

Capitole:

1