yona

chapter 1


Chapters:

1 2 3 4


verse #1

'amItay puqloD ghaHbogh yona'e' Qum joH'a', 'ej ja'


verse #2

«SuH yIHu'! nInveyDaq veng tInDaq yIghoS 'ej 'oHvaD yIjach
jIHDaq SIchpu'mo' mIghghachchaj.»


verse #3

'ach joH'a'vo' tarSISDaq Haw'meH Hu' yona
'ej yapoDaq ghIr 'ej tarSISDaq ghoSbogh Duj'e' Sam,
'ej HuchDaj DIl 'ej joH'a'vo' tarSISDaq chaH tlhejmeH 'oH 'el.


verse #4

'ach bIQ'a'Daq SuS'a' qaSmoH joH'a',
'ej bIQ'a'Daq jev,
'ej Duj ghorlu' net pIH.


verse #5

'ej beq Haj, 'ej joHpu'chajvaD jach Hoch,
'ej chaHvaD tISmoHmeH Dochmey'e' ngaSbogh Duj woD.
'ach Duj DopDaq ghIr yona,
'ej Qot 'ej Dum.


verse #6

vaj ghaHDaq ghoS Duj HoD 'ej ghaHvaD ja'
«nuq Data' DumwI'? SuH yIHu', joHlI'vaD yIjach.
chaq joH'a' wIbelmoH vaj maHeghbe'.»


verse #7

'ej ja'chuq «'Ivmo? maHvaD qaSbogh wanI'vam qab'e' wISovchoHmeH maSuDjaj.»
vaj SuD, 'ej yona 'anglu'.


verse #8

vaj luja' «ghoja', SoHmo' maHvaD qaSbogh wanI'vam qab,
Qu'lIj nuq? 'ej nuqDaqvo' bIghoS? nuq 'oH wo'lIj'e'?
'ej nuq 'oH qorDu''a'lIj'e'?»


verse #9

'ej chaHvaD jang «'IbrIyngan jIH, 'ej joH'a', bIQ'a' yav je chenmoHbogh chal joH'e' vItoy'.»


verse #10

'ej loDpu' ghIjqu'lu'
'ej luja' «nuq'e' Data'ta'?» joH'a'vo' Haw' 'e' luSovmo', chaHvaD ja'ta'mo'.


verse #11

'ej luja' []


verse #12

'ej chaHvaD ja' «HIwoH 'ej bIQ'a'Daq HIwoD, vaj tlhIHvaD jotchoH bIQ'a',
jIHmo' tlhIHvaD jevqu' 'e' vISovmo'.»


verse #13

'ach puHDaq ghoSqa' 'e' lunID,
'ach QaplaHbe', chaHvaD jevqu'taH bIQ'a'.


verse #14

'ej joH'a'vaD jach chaH, 'ej luja'
«SuH joH'a', yIn loDvammo' maHeghbe'jaj,
'ej 'Iw chunmo' ghopIchQo'. joH'a' SoH, Doch DaneHbogh Data' rIntaH.»


verse #15

'ej yona luwoH, 'ej bIQ'a'Daq luwoD,
'ej jev 'e' mev bIQ'a'.


verse #16

'ej loDpu' ghIj joH'a', 'ej joH'a'vaD nob lumeQ, 'ej 'Ipmey 'Ip.

Chapters:


Books