De’ QaQ’e’ ghItlhbogh yo’aneS

chapter 1


Chapters:

1 3


verse #1

bI'reSDaq ghaHtaH mu''e' 'ej Qun'a' tlhejpu' mu' 'ej Qun'a' ghaH mu''e'.


verse #2

bI'reSDaq Qun'a' tlhejpu'.


verse #3

ghaHmo' chenpu' Hoch 'ej ghaH Hutlhchugh vay' chenpu'be'.


verse #4

ghaHDaq 'oHtaH yIn'e' 'ej ghotpu' wovmoHwI' 'oH yIn'e'.


verse #5

'ej HurghtaHghachDaq boch wovmoHwI' 'ej yajbe' HurghtaHghach.


verse #6

Qun'a'vo' ngeHlu'pu'bogh ghot'e' tu'lu'. yo'aneS 'oH pongDaj'e'.


verse #7

ghaHmo' voqmeH Hoch ghoS 'ej wovmoHwI' maq.


verse #8

wovmoHwI' ghaHbe' 'ach wovmoHwI' maqmeH ghoS.


verse #9

qo' 'ellI' wovna'moHwI' HochvaD wovmoHbogh.


verse #10

qo'Daq ghaH 'ej ghaHmo' chenpu' qo' 'ach Sovpu'be' qo'.


verse #11

chuDDaj ghoSpu' 'ej Hevpu'be' chuDDaj.


verse #12

'ach Hevpu' 'op. HochvamvaD Qun'a' puqpu' mojmeH DIb nob.


verse #13

'Iwvo' pagh neHmo' 'oynot pagh neHmo' loD boghbe' puqpu' 'ach Qun'a'vo' bogh.


verse #14

'oynot moj mu' 'ej maH joj Dab. ngay'Daj wIleghpu'. vavvo' puqloD neH ngay' rur. lubuy'moH pung vItje.


verse #15

maqtaHvIS yo'aneS jach: ghaH ghotvam'e' vIjatlhpu': vebwI'wI' HoS law' jIH Hos puS munungpu'mo'.


verse #16

buy'Dajvo' pung law' wIHevpu' Hoch.


verse #17

moySeSvo' noblu'pu'mo' chut. yeSuS 'IHrIStoSvo' ghoSpu' pung vItje.


verse #18

not Qun'a' leghlu'pu'. 'angta' vav retlhDaq boghpu'bogh neH Qun'a''e'.


verse #19

yo'aneS vep 'oH Dochvam'e'. yeruSalemvo' ghaHvaD maqleghpu' lewI' puqloDpu' je ngeHpu'DI' yuDay'anganpu' ghel: SoH 'Iv?


verse #20

DIS 'ej tembe': 'IHrIStoS jiHbe'.


verse #21

'ej ghel: vaj nuq? 'elI'ya SoH? jatlh: jIbe'. nemSovwI' SoH? jang: ghobe'.


verse #22

ghIq ghaH jatlh: SoH 'Iv? ngeHwI'pu'majvaD jang wInobnIS. chay' bIngu''egh?


verse #23

jatlh: DebDaq jachwI' ghogh jIH'e': joH'a' He yIwanmoH. Dochvam jatlh nemSovwI' yeSay'a.


verse #24

parISay'oSpu'vo' ngeHlu'pu'.


verse #25

ghel: qatlh bISay'moH 'IHrIStoS 'elI'ya nemSovwI' ghap SoHbe' net teHchugh?


verse #26

jang yo'aneS: bIQDaq jISay'moHDI', 'ach tlhIH jojDaq boSovbe'bogh Qam ghot'e'.


verse #27

vebwI'wI' waq tlhegh vIQeyHa'moHmeH jIqotlhHa'.


verse #28

betanyaDaq yorDa'neS bIQtIQ Dop HopDaq qaStaH Dochmeyvam. pa' Say'moHtaH yo'aneS.


verse #29

jaj veb ghoStaHvIS yeSuS legh. jatlh: pelegh Qun'a' mInHorHom, qo' yem nge'bogh!


verse #30

ghaH ghotvam'e' vIjatlhpu'DI': vebwI'wI' HoS law' jIH Hos puS munungmo'.


verse #31

vISovpu'be' 'ach ngoQvammo' jIghoS 'ej bIQDaq jISay'moH, 'ISra'elvaD 'angmoHlu'meH.


verse #32

maq yo'aneS: chalvo' ghIr dove rurbogh qa''a' 'e' vIleghpu' 'ej ghaH DungDaq ratlh.


verse #33

vISovpu'be' 'ach jatlh bIQDaq jISay'moHmeH ngeHwI'wI': vay' DungDaq ghIr 'ej ratlh qa''a' 'e' Daleghchugh, qa' quvDaq Say'moH ghaH.


verse #34

Qun'a' puqloD ghaH ghotvam'e' vIleghpu' 'ej vImaqpu'.


verse #35

jaj veb cha' vIlle'pu' tlhejvIS yo'aneS Qam.


verse #36

yItvIS yeSuS legh 'ej jatlh: pelegh Qun'a' mInHorHom!


verse #37

Dochvam jatlh 'e' Qoy cha' vIlle'pu' 'ej yeSuS tlha'.


verse #38

tlhe' yeSuS 'ej tlha' chaH 'e' leghDI' jatlh: nuq bonej? 'ej jatlh: rabbI' (ghojmoHwI' mughlu'bogh) nuqDaq bIratlh?


verse #39

jatlh: peghoS 'ej pelegh. ghIq ghoS 'ej DaqDaj legh 'ej qaStaHvIS jajvetlh DaqDajDaq ratlh cholmo' rep wa'maHDIch.


verse #40

cha'Daq wa' ghaH SI'mon pe'tlhoS loDnI' 'antlhe'aS'e'. jatlh yo'aneS 'e' Qoy 'ej yeSuS tlha'.


verse #41

wa'DIch SI'mon loDnI'Daj Sam 'ej jatlh: meSI'aH ('IHrIStoS mughlu'bogh) wISampu'.


verse #42

yeSuSvaD qem. legh yeSuS 'ej jatlh: yo'aneS puqloD SI'mon SoH. DaHjajvo' qepaS 'oH ponglIj'e' (pe'tlhoS mughlu'bogh).


verse #43

jaj veb ghalIla'ya jaHmeH wuq yeSuS. pI'lIpoS Sam 'ej jatlh: HItlha'.


verse #44

'antlhe'aS pe'tlhoSje veng betlhSayDavo' ghaHtaH pI'lIpoS'e'.


verse #45

natlhana'el Sam pI'lIpoS 'ej jatlh: moySeS chutDaq nemSovwI'pu'Daqje ghItlhlu'pu'bogh ghot'e' wISampu', jeSuS natlharenoS, yoSep puqloD.


verse #46

jatlh natlhana'el: natlharetvo' ghoSlaH vay' QaQ'a'? jatlh pI'lIpoS: Ha', yIlegh!


verse #47

ghoS natlhana'el 'e' legh yeSuS 'ej jatlh: pelegh, 'ISra'elnganna', ghaHDaq tojtaHghach tu'lu'be'.


verse #48

jatlh natlhana'el: chay' choSov? jang yeSuS: DurI'pu'pa' pI'lIpoS, fig Sor bIngDaq bIQamvIS, qaleghpu'.


verse #49

jang natlhana'el: rabbI', Qun'a' puqloD SoH, 'ISra'el ta' SoH!


verse #50

jang yeSuS: fig Sor bIngDaq qaleghpu' 'e' qajatlhpu'mo', bIvoq? Dochmey wej Daleghbogh Dun law' Dochmeyvam Dun puS.


verse #51

jatlh: vITna' vITna' Sajatlh: poS chal 'e' Dalegh nuv'a' DungDaq SaltaHvIS 'ej ghIrtaHvIS Qun'a' QumwI'pu'.

Chapters:


Books