yo’aneS nav QIn cha’DIch

chapter 1


verse #1

be'vaD, puqpu'DajvaD nav QInvam vIqon. qup jIH 'ej joH'e', be' wIvlu'ta'bogh ghaH. vImuSHa'bej. muSHa' je vIt muSHa'bogh Hoch.


verse #2

nuDab vIt 'ej reH mutlhej vIt.


verse #3

'oHmo' maHvaD boQ, pung, roj je nob joH'a', vav'a', mamuSHa'taHvIS 'ej mavIttaHvIS. Dochmeyvam nob je yeSu'a QIStoS, vav'a' puqloD.


verse #4

vItDaq yItmo' puqpu'lI'. muQuchmoH ngoDvam, vItDaq mayIt 'e' ra'mo' vav'a'.


verse #5

'ej DaH be' vIQejbogh, SoHvaD rIchwIn chu' vIja'be'. bI'reS rIchwInvam rap DaQoypu': mamuSHa'chuqjaj.


verse #6

'ej muSHa'meH mIwna' 'oH mIwvam'e': joH'a' chut tIlobtaH. taghDI' Hoch, rIchwInvam DaQoypu'; 'oH DapabtaHvIS, yIvang.


verse #7

qo'Daq law' yuqwI'pu' 'ej porghna'Daq narghta' yeSu'a QIStoS 'e' lutem chaH. nepwI', QIStoS ghol je chaH nuvpu'vetlh'e'.


verse #8

ta'meylIj DaweSbe'meH 'ej poplIj DaHevmeH yIyep'eghmoHtaH.


verse #9

joH'a' Hutlh QIStoS paQDI'norgh qImtaHbe'bogh DuvwI''e'; vav'a', puqloD'a' je tlhejtaH paQDI'norgh qImtaHwI'.


verse #10

pawchugh paQDI'norghvam pabbe'bogh vay'e', juHlIjDaq yIma'Qo' 'ej yIvanQo'.


verse #11

vay'vetlh vanlu'chugh, vaj jeSlu' ta'meyDaj mIgh turtaHvIS vay'vetlh.


verse #12

SoHvaD Dochmey law' vIja' vIneH 'a nav, rItlh je vIlo' vIneHbe'. 'a qaSuch 'ej qaQuchmoHchu'meH SoHvaD jIjatlh 'e' vItul.


verse #13

be'nI'lI' puqpu' tIvan, be' wIvta'bogh joH'a'.

Chapters:


Books